பழங்காலத்திலிருந்தே மிகவும் தூய்மையான உணவு வகைகளில் ஒன்றாக நெய் கருதப்படுகிறது, மேலும் இது புத்துணர்ச்சியூட்டுவதாக நம்பப்படுகிறது. மிகவும் சிக்கலான செரிமானம் தேவைப்படும் நீண்ட சங்கிலி கொழுப்புகளை போலில்லாமல்.நெய்யானது மீடியம்-செயின் ட்ரைகிளிசரைடுகளை (MCTs) கொண்டுள்ளது, இதனை உடல் விரைவாக ஆற்றலாக பயன்படுத்த முடியும்.
நம்முடைய சமையலில் மற்றும் ஆயுர்வேத மருத்துவத்தில் நெய் ஒரு முக்கிய அங்கமாக இருந்து வருகிறது. சிறந்த சுவை கொண்ட நெய்யானது சமையல் பயன்பாடுகளுக்கு அப்பால், பல ஆச்சரியமான அதே சமயம் பலருக்கும் அதிகம் தெரியாத நன்மைகளைக் கொண்டுள்ளது. அந்த வகையில் நெய் பற்றி அதிகம் அறியப்படாத சில முக்கிய விஷயங்களை இங்கே பார்க்கலாம்…
நெய் எளிதில் உறிஞ்சப்படும்:பழங்காலத்திலிருந்தே மிகவும் தூய்மையான உணவு வகைகளில் ஒன்றாக நெய் கருதப்படுகிறது, மேலும் இது புத்துணர்ச்சியூட்டுவதாக நம்பப்படுகிறது. மிகவும் சிக்கலான செரிமானம் தேவைப்படும் நீண்ட சங்கிலி கொழுப்புகளை போலில்லாமல்.நெய்யானது மீடியம்-செயின் ட்ரைகிளிசரைடுகளை (MCTs) கொண்டுள்ளது, இதனை உடல் விரைவாக ஆற்றலாக பயன்படுத்த முடியும்.
அதிக ஸ்மோக்கிங் பாயின்ட்:நெய்யானது ஹை-ஸ்மோக்கிங் பாயின்ட்டை (பொதுவாக சுமார் 250°C (482°F) )கொண்டுள்ளது. அதாவது சமைக்கும் போது இது எளிதில் ஆக்ஸிடைஸ்அடையவோ அல்லது தீங்கு விளைவிக்கும் ஃப்ரீ ரேடிக்கல்ஸ்களை உற்பத்தியோ செய்யாது. இதன் காரணமாக தாவர அடிப்படையிலான பல எண்ணெய்களை போல இல்லாமல், எரிந்து விடாமல் உணவுகளை வதக்க, வறுக்க சரியான தேர்வாக அமைகிறது.
லாக்டோஸ் சகிப்புத்தன்மை இல்லாதவர்களுக்கும் ஏற்றது:நெய்யானது வெண்ணெயிலிருந்து பால் திடப்பொருட்களையும், தண்ணீரையும் நீக்கி தயாரிக்கப்படுவதால், அதில் லாக்டோஸ் மற்றும் கேசீன் ஆகியவை குறைந்த அளவில் மட்டுமே இருக்கிறது. எனவே வெண்ணெய் போலில்லாமல் லாக்டோஸ் சகிப்புத்தன்மை இல்லாதவர்கள் அல்லது பால் பொருட்களுக்கு ஒவ்வாமை உள்ளவர்கள் கூட நெய்யை தங்கள் உணவுகளில் சேர்த்து கொள்ள முடியும்.
மூளை ஆரோக்கியம்:நெய்யில் நிறைவுற்ற (saturated) கொழுப்புகள் நிறைந்துள்ளன, இவை மூளையில் உள்ள நியூரான்களைச் சுற்றி myelin sheaths-களை உருவாக்க மற்றும் நரம்பு செல்கள் சிக்கனல்களை திறம்பட தொடர்பு கொள்ள முக்கியமானவை. மேலும் இந்த கொழுப்புச் சத்து மூளை வளர்ச்சி மற்றும் அறிவாற்றல் செயல்பாட்டிற்கும் உறுதுணையாக இருக்கிறது, எனவே நெய் மூளைக்கு ஒரு சூப்பர்ஃபுட் ஆக இருக்கிறது.
கொழுப்பில் கரைய கூடிய வைட்டமின்ஸ்:நெய்யில் ஏ, டி, ஈ மற்றும் கே ஆகிய வைட்டமின்ஸ்களை வழங்குகிறது, இவை அனைத்தும் கொழுப்பில் கரையக்கூடிய வைட்டமின்கள் ஆகும். மேலும் இவை சிறந்த நோயெதிர்ப்பு செயல்பாடு, பார்வை ஆரோக்கியம், சரும ஆரோக்கியம் மற்றும் கால்சியம் உறிஞ்சுதலுக்கு முக்கியமானவை. தவிர நெய்யில் உள்ள வைட்டமின் ஏ-ஆனது கண் ஆரோக்கியத்தை அதிகரிக்கிறது மற்றும் பார்வையை மேம்படுத்தவும் உதவும்.
About the Author
