லீபுக்

ஜப்பானின் ஐச்சி–நகோயாவில் நடைபெற்று வரும் 5-வது ஆசிய பாரா விளையாட்டுப் போட்டியில், ஆண்கள் நீளம் தாண்டுதல் (T44/T62/T64) பிரிவில் இந்திய ராணுவ சுபேதார் சோலைராஜ் தர்மராஜ் 7.15 மீட்டர் தாண்டி தங்கப் பதக்கம் வென்றார். இது புதிய ஆசிய சாதனை. தூத்துக்குடி மாவட்டம் விளாத்திகுளம் அருகே உள்ள குமாரபுரம் கிராமத்தைச் சேர்ந்த இவர், 2022 ஹாங்சோ ஆசிய பாரா போட்டியில் வென்ற தங்கத்தையும் இதன் மூலம் தக்கவைத்துக் கொண்டார். 18 வயதில் ராணுவத்தில் சேர்ந்த சோலைராஜ், கார்கிலில் பணியில் இருந்தபோது கடும் குளிரால் பாதிக்கப்பட்டு 2018-ல் இடது காலை இழந்தார். செயற்கைக் காலுடன் 2019-ல் நீளம் தாண்டுதல் பயிற்சியைத் தொடங்கி, இன்று ஆசியாவின் சிறந்த வீரராக உயர்ந்துள்ளார். தடைகளைத் தாண்டி சாதித்த நம் மண்ணின் மைந்தருக்கு LeeNews சார்பில் வாழ்த்துகள்! 🇮🇳

ஆரக்கிள் நிறுவனம் இந்தியாவில் ஊழியர்களைப் பணிநீக்கம் செய்யத் திட்டமிட்டுள்ளதாகத் தகவல்கள் வெளியாகியுள்ளன. Summary இந்தியாவில் செயல்படும் முன்னணி மென்பொருள் நிறுவனம் ஆரக்கிள், நிறுவன மறுசீரமைப்பு மற்றும் வர்த்தகத் தேவைகளை காரணம் காட்டி சுமார் 2,500 ஊழியர்களை பணிநீக்கம் செய்யத் திட்டமிட்டுள்ளது. முன்னணி மென்பொருள் நிறுவனமான ஆரக்கிள் (Oracle) இந்தியாவில் பணியாற்றும் சுமார் 2 ஆயிரத்து 500 ஊழியர்களைப் பணிநீக்கம் செய்யத் திட்டமிட்டுள்ளதாகத் தகவல்கள் வெளியாகியுள்ளன. இதனால் கிளவுட் சேவைகள், மென்பொருள் மேம்பாடு பிரிவுகளில் பணியாற்றும் இந்திய ஊழியர்கள் பெருமளவில் பாதிக்கப்படலாம் என அஞ்சப்படுகிறது. Oracle அந்தவகையில் முன்னணித் தொழில்நுட்ப நிறுவனமான ஆரக்கிள் (Oracle) தனது ஊழியர்களுக்குக் காலை 6 மணிக்கு அனுப்பப்பட்ட மின்னஞ்சலில், “இன்றே உங்களின் கடைசி வேலை நாள்” எனக் கூறி உடனடியாகப் பணிநீக்கம் செய்யப்பட்டுள்ளனர். நிறுவனத்தின் மறுசீரமைப்பு மற்றும் வர்த்தகத் தேவைகளைக் காரணம் காட்டி இந்த நடவடிக்கை எடுக்கப்பட்டுள்ளது. பாதிக்கப்பட்ட ஊழியர்களுக்கு இழப்பீட்டுத் தொகை வழங்கப்படவுள்ளதுடன், அவர்களின் கணினி அணுகல்களும் உடனடியாகத் துண்டிக்கப்பட்டு வருகின்றன.

பிரதமர் மோடிக்கு பாரத ரத்னா விருது குறித்து எழுந்த கேள்விக்கு ஜே.பி. நட்டா விளக்கம் கொடுத்துள்ளார். Summary பாரத ரத்னா விருது குறித்து எழுந்த கேள்விக்கு பதிலளித்த ஜே.பி. நட்டா, மோடிக்கு விருது வழங்குவது பற்றி பாஜக விவாதிக்கவில்லை என்று கூறினார். பிரதமர் மோடிக்கு நாட்டின் உயரிய விருதான பாரத ரத்னா வழங்குவது குறித்து பாஜகவில் இதுவரை எந்த ஆலோசனையும் நடைபெறவில்லை என மத்திய அமைச்சர் ஜெ.பி.நட்டா தெரிவித்துள்ளார். JP Nadda இதுபோன்ற விஷயங்களில் உரிய நேரத்தில் கட்சி முடிவெடுக்கும் எனக் குறிப்பிட்ட அவர், மோடி சர்வாதிகாரி போல செயல்படுவதாகக் கூறும் எதிர்க்கட்சிகளின் குற்றச்சாட்டுகளுக்கு மறுப்பு தெரிவித்தார். மேலும், பிரதமர் மோடி உலகின் மிகச் சிறந்த ஜனநாயகத் தலைவர் என்றும் நட்டா புகழாரம் சூட்டினார்.

இலங்கைக்கு எதிரான முதல் டி20 போட்டியில் 254 ரன்கள் குவித்து மிரட்டியது இங்கிலாந்து அணி. Summary சவுத்தாம்டனில் நடந்த முதல் டி20யில் இங்கிலாந்து, இலங்கை பந்துவீச்சை சிதறடித்து 20 ஓவரில் 254 ரன்கள் குவித்தது. ஜோஸ் பட்லர் 80 ரன்கள், கேப்டன் ஹாரி ப்ரூக் 42 பந்தில் சதம் உட்பட 49 பந்தில் 114 ரன்கள் குவித்தார். பதிலுக்கு இலங்கை 19 ஓவரில் 135 ரன்களுக்கு ஆல்அவுட்; சோனி பேக்கர் 3 விக்கெட். தொடரில் இங்கிலாந்து 1-0 முன்னிலை. இங்கிலாந்துக்கு சுற்றுப்பயணம் செய்துள்ள இலங்கை அணி 3 டி20 போட்டிகள், 3 ஒருநாள் போட்டிகள் கொண்ட தொடரில் விளையாடிவருகிறது. இரண்டு அணிகளுக்கும் இடையேயான முதல் டி20 போட்டி சவுத்தாம்டனில் நேற்று நடைபெற்றது. பரபரப்பாக தொடங்கிய போட்டியில் முதலில் பேட்டிங் செய்த இங்கிலாந்து அணி இலங்கை பந்துவீச்சாளர்களின் பந்துவீச்சை சிதறடித்தது. தொடக்கத்திலிருந்தே அதிரடி காட்டிய ஜோஸ் பட்லர் 8 பவுண்டரிகள் 3 சிக்சர்கள் என விளாசி 80 ரன்கள் அடித்து அவுட்டாகினார். ஆனால் மறுமுனையில் காட்டடி பேட்டிங்கை வெளிப்படுத்திய இங்கிலாந்து கேப்டன் ஹாரி ப்ரூக் 10 பவுண்டரிகள் 6 சிக்சர்கள் என துவம்சம் செய்து 42 பந்தில் சதமடித்ததோடு 49 பந்தில் 114 ரன்கள் குவித்தார். ஹாரி ப்ரூக்கின் ருத்ரதாண்டவ பேட்டிங்கால் இங்கிலாந்து அணி 20 ஓவரில் 254 ரன்களை குவித்தது. 255 ரன்கள் என்ற இமாலய இலக்கை நோக்கி விளையாடிய இலங்கை அணி 19 ஓ…

இந்தியா-ஆப்கானிஸ்தான் அணிகள் மோதிய 2வது டி20 போட்டியில் 7 விக்கெட்டுகள் வித்தியாசத்தில் வெற்றிபெற்றது இந்திய அணி. Summary டெல்லியில் நடைபெற்ற 2வது டி20யில், ஹோஸ்ட் அணியாக விளையாடிய ஆப்கானிஸ்தான் 20 ஓவரில் 159 ரன்கள் எடுத்தது. இந்தியா சார்பில் நிதிஷ்குமார் ரெட்டி 3 விக்கெட் எடுத்தார். 160 ரன்கள் இலக்காக நிர்ணயிக்கப்பட்ட நிலையில், தொடக்க வீரர்கள் சஞ்சு சாம்சன் (22 பந்தில் 57), அபிஷேக் சர்மா (39), இஷான் கிஷன் (38) ஆகியோரின் அதிரடி ஆட்டத்தால் இந்தியா 14.5 ஓவரில் 7 விக்கெட் வித்தியாசத்தில் வெற்றி பெற்று தொடரை 2-0 என கைப்பற்றியது. இந்தியா-ஆப்கானிஸ்தான் அணிகள் மோதும் 3 போட்டிகள் கொண்ட டி20 தொடர் டெல்லியில் நடைபெறுகிறது. இத்தொடரில் இந்திய மண்ணிலேயே இந்திய அணி வெளிநாட்டு அணியாக விளையாடுகிறது. அதாவது, இந்தத் தொடர் டெல்லியில் நடைபெற்றாலும், அதிகாரப்பூர்வமாக ஆப்கானிஸ்தான் அணிதான் போட்டியை நடத்தும் ‘ஹோஸ்ட்’ அணியாக செயல்படுகிறது. இந்நிலையில் இரண்டு அணிகளுக்கும் இடையேயான முதல் டி20 போட்டியில் இந்தியா வெற்றிபெற்ற நிலையில், இன்று இரண்டாவது டி20 போட்டி நேற்று நடைபெற்றது. பரபரப்பாக தொடங்கிய போட்டியில் முதலில் பேட்டிங் செய்த ஆப்கானிஸ்தான் அணி 20 ஓவரில் 159 ரன்கள் சேர்த்தது. அதிகபட்சமாக கேப்டன் இப்ராஹிம் ஜத்ரான் 37 ரன்கள் சேர்த்தார். இந்திய அணியில் நிதிஷ்குமார் ரெட்டி 3 விக்கெட்டுகள் வீழ்த்தி அசத்…

இவ்வளவு ஆழத்தில் உள்ள கனிமங்களை வெட்டி எடுப்பது கடல்சார் சூழலியல் மண்டலத்தைப் பாதிக்கும் என்பதால் சர்வதேச அளவில் எதிர்ப்புகளும் விவாதங்களும் தொடங்கியுள்ளன பசிபிக் பெருங்கடலில் தங்கம் மற்றும் வெள்ளிp படிமங்கள் கொண்ட மாபெரும் ஆழ்கடல் கனிம படுகையை சீன விஞ்ஞானிகள் கண்டுபிடித்திருப்பது உலகை வியப்பில் ஆழ்த்தியுள்ளது. அதேநேரத்தில், இதுதொடர்பான விவாதங்களும் தொடங்கியுள்ளன. சீனாவின் ‘சியாங் யாங் ஹாங் 10’ (Xiang Yang Hong 10) என்ற ஆராய்ச்சிக் கப்பல் மூலம் 18 நாட்கள் நடத்தப்பட்ட ஆய்வில், 7 நீர்மூழ்கிச் சோதனைகள் மூலம் பசிபிக் பெருங்கடலில் தங்கம் மற்றும் வெள்ளிப் படிமங்கள் கொண்ட மாபெரும் ஆழ்கடல் கனிம படுகையை சீன விஞ்ஞானிகள் கண்டுபிடித்துள்ளனர். இது, சீனாவின் பிரத்யேக பொருளாதார மண்டலத்திற்குள் (EEZ) 700 முதல் 1,500 மீட்டர் ஆழத்தில், அதாவது மேற்கு பசிபிக் பெருங்கடலின் பேக்-ஆர்க் பாசின் (Back-arc basin) மண்டலத்தில் அமைந்துள்ளது. கடலடி வெப்பநீரூற்றுப் பகுதிகளில் சல்பைடு படிமங்களால் உருவான 3 பெரிய கூம்பு வடிவ பாறைப் படிவுகள் கண்டறியப்பட்டுள்ளன. model image தங்கத்துடன் தாமிரம், இரும்பு மற்றும் துத்தநாகம் நிறைந்த கால்கோபைரைட், பைரைட் மற்றும் ஸ்பேலரைட் போன்ற உயர் மதிப்புள்ள கனிமங்களும் கண்டறியப்பட்டுள்ளன. ஆய்வின்படி, ஒரு டன் தாதுவில் 15.4 கிராம் வரை தங்கமும், ஒரு டன் தாதுவில் 1.27 கிலோகிராம் (1,271…

2007ஆம் ஆண்டின் பணம் செலுத்துதல் மற்றும் தீர்வு அமைப்புகள் சட்டத்தின்பிரிவு 10 ஏ-யின் கீழ் இந்த உத்தரவு பிறப்பிக்கப்பட்டுள்ளது. 2 ஆயிரம் ரூபாய் வரையிலான யுபிஐ பணப்பரிவர்த்தனைகள் மற்றும் ரூபே டெபிட் கார்டுகளுக்கு வங்கிகளோ, சேவை நிறுவனங்களோ எந்தவிதக் கட்டணமும் வசூலிக்கக் கூடாது என்று மத்திய நிதியமைச்சகம் அரசாணை வெளியிட்டுள்ளது. நொடிப்பொழுதில் டிஜிட்டல் முறையில் பரிவர்த்தனை நடப்பதால் சாமானியார்கள், வியாபாரிகள் என அனைத்து தரப்பினர் இடையே யுபிஐ பரிவர்த்தனை முக்கியப் பங்காற்றுகிறது. யுபிஐ பயன்பாடு நாளுக்குநாள் அதிகரித்து வரும் நிலையில் அதற்கான சர்வர் பராமரிப்பு செலவுகள், அதிகரித்து வரும் பரிவர்த்தனை அளவுகள் ஆகியவற்றை கையாள வங்கிகளுக்கும், கட்டண சேவை நிறுவனங்களுக்கும் பெரும் செலவாகிறது. இதனால், யுபிஐ பரிவர்த்தனைகளுக்கு எம்டிஆர் கட்டணத்தை மீண்டும் கொண்டுவர வேண்டும் என இத்துறையை சேர்ந்த நிறுவனங்கள் தொடர்ந்து கோரிக்கை விடுத்து வந்தன. இந்த நிலையில், ரூ.2000-க்கும் மேற்பட்ட யுபிஐ வணிக பணப் பரிவர்த்தனைகளுக்கு, கூடுதல் கட்டணம் விதிக்கப்படலாம் எனத் தகவல்கள் வெளியாகின. இதனால் பொதுமக்கள் மத்தியில் அதிர்ச்சி ஏற்பட்டது. upi இத்தகைய சூழலில்தான், 2 ஆயிரம் ரூபாய் வரையிலான யுபிஐ பணப்பரிவர்த்தனைகள் மற்றும் ரூபே டெபிட் கார்டுகளுக்கு வங்கிகளோ, சேவை நிறுவனங்களோ எந்தவிதக் கட்டணமும் வசூலிக்கக்கூடாது என்று…

பாகிஸ்தான் டெஸ்ட் அணியில் பெரிய அளவிலான மாற்றங்கள் செய்யப்பட்டு வரும் சூழலில், பிசிபி இந்த விளக்கத்தைக் கேட்டிருப்பது அந்நாட்டு கிரிக்கெட் அரசியலை உலுக்கியுள்ளது. இங்கிலாந்துக்கு எதிராக தற்போது நடைபெற்று வரும் டெஸ்ட் தொடருக்கான பாகிஸ்தான் அணியில் முகமது ரிஸ்வான் மற்றும் இமாம்-உல்-ஹக் ஆகியோர் சேர்க்கப்பட்டது குறித்து தனது தேசிய தேர்வுக் குழுவிடம் பாகிஸ்தான் கிரிக்கெட் வாரியம் விளக்கம் கேட்டுள்ளது. இங்கிலாந்துக்கு எதிரான 3 போட்டிகள் கொண்ட டெஸ்ட் தொடருக்கான பாகிஸ்தான் அணியில் முகமது ரிஸ்வான் மற்றும் இமாம்-உல்-ஹக் ஆகியோர் ஆரம்பத்தில் சேர்க்கப்பட்டிருந்தனர். முதல் இரண்டு போட்டிகளில் பாகிஸ்தான் சந்தித்தத் தோல்விகளைத் தொடர்ந்து 3-ஆவது டெஸ்ட் போட்டிக்கு முன்பாக ரிஸ்வான், இமாம்-உல்-ஹக், சல்மான் அலி ஆகா உட்பட 7 வீரர்கள் அணியில் இருந்து விடுவிக்கப்பட்டனர். இந்த நிலையில், முகமது ரிஸ்வான் மற்றும் இமாம்-உல்-ஹக் ஆகியோர் அணியில் சேர்க்கப்பட்டது தொடர்பாக விளக்கம் கேட்டு தேர்வுக்குழு உறுப்பினர்களுக்கு பிசிபி நோட்டீஸ் அனுப்பியுள்ளது. டெஸ்ட் தொடருக்கான பாகிஸ்தான் அணியில் ரிஸ்வான் மற்றும் இமாம் ஆகியோரை பரிந்துரைத்ததற்கான காரணம் மற்றும் அடிப்படை குறித்து விளக்கம் அளிக்குமாறு அதில் கேட்கப்பட்டுள்ளது. pcb reuters மேலும் வீரர்களின் செயல்திறன்கள், தேர்வுக்கான அளவுகோல்கள் மற்றும் இந்தச் செயல்பாட்டின் போத…

ஆஸ்திரேலிய கிரிக்கெட் அணியின் முன்னாள் வீரர் மைக்கேல் ஹசி, இங்கிலாந்து டெஸ்ட் கிரிக்கெட் அணியின் பேட்டிங் பயிற்சியாளர் பொறுப்பை நிராகரித்துள்ளார். சிஎஸ்கே அணியின் பயிற்சியாளராக 18 ஆண்டுகளாக இருந்து வந்த நியூசிலாந்து அணியின் முன்னாள் கேப்டன் ஸ்டீபன் ஃபிளமிங், சமீபத்தில் அதிலிருந்து விலகினார். பின்னர், இங்கிலாந்து அணியின் தலைமைப் பயிற்சியாளராக அவர் நியமனம் செய்யப்பட்டார். இந்த நிலையில், சிஎஸ்கே அணியின் பேட்டிங் பயிற்சியாளரான மைக்கேல் ஹசி், இங்கிலாந்து டெஸ்ட் அணியின் பேட்டிங் பயிற்சியாளர் பதவியை ஏற்க மறுத்ததாக தகவல்கள் வெளியாகி உள்ளன. இங்கிலாந்து அணியின் தலைமைப் பயிற்சியாளராக நியமிக்கப்பட்டுள்ள ஸ்டீபன் பிளெமிங், தம்முடன் பணிபுரிய மைக் ஹசிக்கு அழைப்பு விடுத்தார். Michael Hussey ஆனால், முழு நேர பன்னாட்டுப் பயணங்கள் மற்றும் கடினமான அட்டவணை காரணமாக ஹசி இந்த வாய்ப்பை நிராகரித்தாகக் கூறப்படுகிறது. அதற்குப் பதிலாக அவர், ஆஸ்திரேலிய கிரிக்கெட் வாரியத்தின் பகுதிநேர ஆலோசகர் பொறுப்பைத் தேர்ந்தெடுக்க முடிவு செய்துள்ளார். இந்த பகுதிநேரப் பொறுப்பு, ‘தி ஹண்ட்ரட்’ மற்றும் பிற டி20 லீக் தொடர்களில் பயிற்சியாளராக செயல்படவும், ஆஸ்திரேலியாவின் பாக்ஸ் ஸ்போர்ட்ஸ் தொலைக்காட்சியில் வர்ணனையாளராக தொடரவும் அவருக்கு கூடுதல் வாய்ப்பை வழங்கும் என்பதால் இந்த முடிவை அவர் எடுத்துள்ளதாகத் தெரிகிறது. அதேநேரத்தில், ஹசி…

2027-ஆம் ஆண்டு வரலாற்று சிறப்புமிக்க முதலாவது மகளிர் சாம்பியன்ஸ் கோப்பை தொடரை இந்தியாவில் நடத்த சர்வதேச கிரிக்கெட் கவுன்சில் (ICC) அதிகாரப்பூர்வமாக அறிவித்துள்ளது. ஆடவர் சர்வதேச கிரிக்கெட்டில் ஐசிசி 4 உலகளாவிய கோப்பை தொடர்களை நடத்திவருகிறது. அதேபோன்று, மகளிர் தொடர்களையும் விரிவுபடுத்தி வருகிறது. இந்த நிலையில், முதல்முறையாக மகளிர் சாம்பியன்ஸ் கோப்பை தொடரை இந்தியாவில் நடத்துவதற்கு ஐசிசி ஒப்புதல் அளித்துள்ளது. அதன்படி, இத்தொடர் அடுத்த ஆண்டு இந்தியாவில் நடைபெற இருக்கிறது. முன்னதாக, இலங்கையில் நடத்தத் திட்டமிடப்பட்டிருந்த இத்தொடர், நிர்வாகச் சிக்கல்கள் காரணமாக இந்தியாவிற்கு மாற்றப்பட்டுள்ளது. Harmanpreet Kaur, jay shah மகளிர் சாம்பியன்ஸ் டிராபியின் முதல் தொடரில் இந்தியா, ஆஸ்திரேலியா, இங்கிலாந்து, நியூசிலாந்து, தென்னாப்பிரிக்கா மற்றும் இலங்கை ஆகிய நாடுகள் பங்கேற்கின்றன. இந்தத் தொடர் டி20 வடிவில் விளையாடப்படும். லீக் சுற்றில் ஒவ்வோர் அணியும் மற்ற அணிகளுடன் தலா ஒரு போட்டியில் விளையாடும். புள்ளிகள் பட்டியலில் முதல் இரண்டு இடங்களைப் பிடிக்கும் அணிகள் இறுதிப் போட்டிக்குத் தகுதி பெறும். இப்போட்டிகள், 2027ஆம் ஆண்டு பிப்ரவரி 14 தொடங்கி 28 வரை நடைபெறவுள்ளது. இந்த ஆறு அணிகள் பங்கேற்கும் அனைத்துப் போட்டிகளும் மும்பையில் உள்ள கிரிக்கெட் கிளப் ஆஃப் இந்தியா மற்றும் வதோதராவில் உள்ள வதோதரா சர்வதேச கி…

அமெரிக்கா நடத்திய தாக்குதலில், பெண்கள் மற்றும் குழந்தைகள் உட்பட 70-க்கும் மேற்பட்டோர் உயிரிழந்துள்ளதாக ஈரான் குற்றம் சாட்டியுள்ளது. ஈரான் மற்றும் அமெரிக்க இடையே 6 மாதத்துக்கும் அதிகமாக தொடர்ந்து போர் நடைபெற்று வரும் நிலையில், இரு தரப்பும் மாறி மாறி தாக்குதல் நடத்தி வருகின்றன. இந்த நிலையில், ஈரானின் குசிஸ்தான், சிஸ்தான் மற்றும் பலுசிஸ்தான், ஹோர்மொஸ்கான் மற்றும் கெர்மான் ஆகிய மாகாணங்களில் உள்ள குடியிருப்புப் பகுதிகள், சேவை மையங்கள் மற்றும் தகவல் தொடர்பு கோபுரங்கள் மீது அமெரிக்கப் படைகள் தாக்குதல் நடத்தியதாக ஈரான் குற்றம்சாட்டியுள்ளது. Reuters மேலும், ஈரானின் ஹோர்மொஸ்கான் மாகாணத்தின் சிரிக்கு மாவட்டத்தில் உள்ள கூஹெஸ்டாக் பகுதியில் நடைபெற்ற திருமண நிகழ்ச்சி ஒன்றின் மீது அமெரிக்கா நடத்திய தாக்குதலில், பெண்கள் மற்றும் குழந்தைகள் உட்பட 70-க்கும் மேற்பட்டோர் உயிரிழந்துள்ளதாகவும் ஈரான் குற்றம் சாட்டியுள்ளது. இதுகுறித்து ஈரான் வெளியுறவு அமைச்சகம் வெளியிட்டுள்ள அறிக்கையில், ஈரானின் இறையாண்மை மற்றும் பிராந்திய ஒருமைப்பாட்டின் மீது அமெரிக்கா நடத்தியுள்ள இராணுவத் தாக்குதல்களுக்கு பதிலாக அமெரிக்கத் தளங்கள் மீது தற்காப்புத் தாக்குதல் நடத்தியுள்ளதாக கூறப்பட்டுள்ளது. Reuters மேலும், அமெரிக்கப் படைகள் தனது நிலப்பரப்பைப் பயன்படுத்தி ஈரான் மீது தாக்குதல் நடத்துவதைத் தடுக்க வேண்டும் என்றும், போரை…

அயோத்தி ராமர் கோயில் அறக்கட்டளை தலைமைச் செயல் அதிகாரியாக ஓய்வுபெற்ற விமானப்படை உயரதிகாரி ஏர் மார்ஷல் ஜிதேந்திர மிஸ்ரா தேர்வு செய்யப்பட்டுள்ளார். உத்தரப்பிரதேசத்தில் அமைந்துள்ள அயோத்தி ராமர் கோயிலுக்கு நன்கொடையாக வழங்கப்பட்ட தொகையில் கோடிக்கணக்கான ரூபாய் காணாமல் போயுள்ளதாக எழுந்துள்ள குற்றச்சாட்டு விவகாரத்தில், அம்மாநில அரசு சிறப்பு புலனாய்வுக் குழுவை நியமித்து விசாரணை நடத்தி வருகிறது. இந்த நிலையில், கோயிலை நிர்வாகம் செய்வதற்காக ஸ்ரீராம் ஜன்மபூமி தீர்த்த க்ஷேத்ரா அறக்கட்டளை ஒரு முக்கிய நடவடிக்கையை எடுத்துள்ளது. அதன்படி, தலைமைச் செயல் அதிகாரி பதவி முதன்முறையாக உருவாக்கப்பட்டுள்ளது. இதையடுத்து, அயோத்தி ராமர் கோயில் அறக்கட்டளை தலைமைச் செயல் அதிகாரியாக ஓய்வுபெற்ற விமானப்படை உயரதிகாரி ஏர் மார்ஷல் ஜிதேந்திர மிஸ்ரா தேர்வு செய்யப்பட்டுள்ளார். ராமர் கோயில் நிர்வாகப் பொறுப்புக்கு 5,585 பேர் விண்ணப்பித்த நிலையில், அதில் படிப்படியாக பலர் நீக்கப்பட்டு இறுதியாக ஜிதேந்திர மிஸ்ரா தேர்வு செய்யப்பட்டார். முன்னதாக, இத்தேர்வுக் குழுவில் ஓய்வுபெற்ற நீதிபதி பிரமோத் கோலி, ஓய்வுபெற்ற லெப்டினன்ட் ஜெனரல் வி.கே.சதுர்வேதி மற்றும் அணு விஞ்ஞானி சுரேஷ் ஹவாரே ஆகியோர் இடம்பெற்றிருந்தனர். யார் இந்த ஜிதேந்திர மிஸ்ரா? உத்தரப் பிரதேசத்தின் தியோரியா மாவட்டம், பட்பர் ராணி பகுதியின் போபத்புரா கிராமத்தில் பிறந்த இவர்,…

இயக்குநர் மாரி செல்வராஜ் தயாரிக்கும் புதிய படத்திற்கு ‘மாகாளி’ எனப் பெயரிடப்பட்டுள்ளது. தமிழ் சினிமாவின் முன்னணி இயக்குநர்களில் ஒருவர் மாரி செல்வராஜ். இவர், பிரியங்கா மோகன் மற்றும் காயடு லோகர் ஆகியோர் முக்கிய கதாபாத்திரங்களில் நடிக்கும் மஞ்சணத்தி படத்தில் தற்போது பணியாற்றி வருகிறார். இந்தப் படத்திற்கு இளையராஜா இசையமைக்கிறார். இந்த நிலையில், இயக்குநர் மாரி செல்வராஜ் தயாரிக்கும் புதிய படத்திற்கு ‘மாகாளி’ எனப் பெயரிடப்பட்டுள்ளது. மாரி செல்வராஜின் உதவி இயக்குநர் எஸ்.பி.அரவிந்த் இயக்கும் இப்படத்தில் நடிகர் அமீர் முக்கியக் கதாப்பாத்திரத்தில் நடிக்கிறார். மேலும் இதில் சுவாசிகா மற்றும் அனிஷ்மா அனில் குமார் ஆகியோரும் நடிக்கின்றனர். இப்படத்திற்கு இசையமைப்பாளர் ஜஸ்டின் பிரபாகரன் இசையமைக்கிறார். பிரதீபன் செல்வரத்தினம் ஒளிப்பதிவு செய்ய, செல்வா ஆர்.கே எடிட்டிங் செய்கிறார்.

பீகார் பாகல்பூரில் கங்கை நதி அரிப்பினால் 100 ஆண்டுகள் பழமையான சைதி துர்க்கை கோவில் ஆற்றில் மூழ்கியது. Summary பீகார் மாநிலம் பாகல்பூர் மாவட்டம் ராகோபூர் கிராமத்தில் கங்கை நதிக்கரையில் இருந்த 100 ஆண்டுகள் பழமையான சைதி துர்கை கோவில், அதிவேக நீரோட்டம் மற்றும் கடுமையான கரை அரிப்பால் அடிப்பகுதி பலவீனமடைந்து நொடிகளில் இடிந்து ஆற்றில் முழுவதும் மூழ்கியது. பல தலைமுறைகள் வழிபட்ட இந்த கோவில் அழிவால் உள்ளூர் மக்கள் கடும் சோகத்திலும் கவலையிலும் ஆழ்ந்துள்ளனர். பீகார் மாநிலம் பாகல்பூர் மாவட்டம் ராகோபூர் கிராமத்தில், கங்கை நதியில் ஏற்பட்ட கடுமையான கரை அரிப்பு மற்றும் சீற்றத்தின் காரணமாக 100 ஆண்டுகள் பழமை வாய்ந்த சைதி துர்க்கை கோவில் முற்றிலுமாக இடிந்து ஆற்று நீரில் மூழ்கியது. அப்பகுதியில் கங்கை நதியில் நிலவி வரும் அதிவேக நீர்ரோட்டம் காரணமாகக் கரைகளில் தீவிர மண் அரிப்பு ஏற்பட்டு வந்தது. ஆற்றின் கரையில் அமைந்திருந்த பழமையான இக்கோவிலின் அடிப்பகுதி மண்ணரிப்பால் பலவீனமடைந்து, நொடிப் பொழுதில் கங்கை நதியின் சுழலில் சிக்கி சரிந்து விழுந்தது. பல தலைமுறைகளாக உள்ளூர் மக்களால் வழிபடப்பட்டு வந்த நூற்றாண்டு பழமை வாய்ந்த கோவில் ஆற்றில் மூழ்கிய சம்பவம் அப்பகுதி மக்களிடையே பெரும் சோகத்தையும் கவலையையும் ஏற்படுத்தியுள்ளது.

உடற்பயிற்சி செய்ய நேரமில்லாத இன்றைய அவசர உலகத்தில் 4 நிமிட வொர்க்அவுட் எனப்படும் தபாடா (Tabata) முறை ட்ரெண்டாகி வருகிறது. Summary ஜப்பானிய விஞ்ஞானி இசுமி தபாடா உருவாக்கிய 4 நிமிட தபாடா உடற்பயிற்சி முறை, 20 வினாடி தீவிர பயிற்சி மற்றும் 10 வினாடி ஓய்வு என 8 செட்களாக செய்யப்படுகிறது. ஸ்குவாட்ஸ், புஷ்-அப்ஸ், பர்பீஸ், ஜம்பிங் ஜாக்ஸ் போன்ற பயிற்சிகள் இதயத் துடிப்பை உயர்த்தி வளர்சிதை மாற்றத்தை தூண்டி கலோரிகளை எரிக்கின்றன. குறைந்த நேரம் உள்ள இளைஞர்கள், கார்ப்பரேட் ஊழியர்களுக்கு ஸ்டாமினா, இதய நலம், உடல் கட்டமைப்பு மேம்பாட்டை வழங்குகிறது. ஜப்பானிய விஞ்ஞானி இசுமி தபாடாவால் அறிமுகப்படுத்தப்பட்ட இந்த நவீன உடற்பயிற்சி பலரிடமும் வரவேற்பைப் பெற்றுள்ளது. 20 வினாடிகள் மிகத் தீவிரமான உடற்பயிற்சி மற்றும் 10 வினாடிகள் ஓய்வு என்ற சுழற்சியில் மொத்தம் 8 செட்களாக 4 நிமிடங்களில் இந்த பயிற்சி செய்து முடிக்கப்படுகிறது. ஸ்குவாட்ஸ் (Squats), புஷ்-அப்ஸ் (Push- ups), பர்பீஸ் (Burpees) மற்றும் ஜம்பிங் ஜாக்ஸ் (Jumping Jacks) போன்ற பயிற்சிகளை இடைவிடாது செய்யும்போது, இதயத் துடிப்பு அதிகரித்து உடலின் வளர்சிதை மாற்றம் (Metabolism) தூண்டப்படுகிறது. அதனைத் தொடர்ந்து உடலில் கலோரிகள் எரிக்கப்படுகின்றன. இதன்மூலம் உடற்பயிற்சி செய்ய போதிய நேரம் இல்லாத கார்ப்பரேட் ஊழியர்கள் மற்றும் இளைஞர்களுக்கு இது ஸ்டாமினாவை வழங்கி, இதய…