பிறந்தநாள் கொண்டாட்டம்.. ரசிகர்களுக்கு சூர்யா வேண்டுகோள் விடுத்தாரா? | #Suriya

நடிகர் சூர்யாவின் பிறந்தநாளை முன்னிட்டு ரசிகர்களும், திரைத்துறையினரும் வாழ்த்து தெரிவித்து வருகின்றனர்.

தமிழ் சினிமாவின் முன்னணி நடிகர்களில் ஒருவரான நடிகர் சூர்யா இன்று தனது 51ஆவது பிறந்த நாளைக் கொண்டாடுகிறார். இந்த நிலையில், நீட் வினாத்தாள் கசிவு விவகாரத்துக்கு பொறுப்பேற்று மத்திய கல்வித் துறை அமைச்சர் தர்மேந்திர பிரதான் பதவி விலக வேண்டும் என்ற கோரிக்கையை வலியுறுத்தி கரப்பான் பூச்சி ஜனதா கட்சியினர் கடந்த ஜூன் மாதம் 20-ஆம் தேதி முதல் டெல்லி ஜந்தர் மந்தரில் போராட்டம் நடத்தி வருகின்றனர். இவர்களது போராட்டத்துக்கு பல்வேறு அரசியல் கட்சித் தலைவர்களிடம் இருந்தும் ஆதரவு பெருகி வருகிறது.

இந்நிலையில், நடிகர் சூர்யாவின் பிறந்தநாளை முன்னிட்டு ரசிகர்களும், திரைத்துறையினரும் வாழ்த்து தெரிவித்து வருகின்றனர். இதற்கிடையே, நீட் தேர்வுக்கு எதிராக டெல்லியில் மாணவர்கள் தொடர் போராட்டத்தில் ஈடுபட்டு வரும் நிலையில், தனது பிறந்தநாளை எந்த விதத்திலும் கொண்டாட வேண்டாம் என ரசிகர்களுக்கு நடிகர் சூர்யா வேண்டுகோள் விடுத்திருந்ததாக ஊடகங்களிலும், சமூக வலைதளங்களிலும் செய்திகள் வைரலாகின. ஆனால், இதுகுறித்து சூர்யா தரப்பிலோ, அவரது ரசிகர் மன்றம் தரப்பிலோ எந்த அறிக்கைகளும் வெளியாகவில்லை எனத் தகவல்கள் தெரிவிக்கின்றன.