தமிழ் புத்தாண்டு, விஷு பண்டிகை காரணமாக அதிகரிக்கும் பயணிகள் தேவையை சமாளிக்க, திருநெல்வேலி-எழும்பூர், எழும்பூர்-திருவனந்தபுரம் வடக்கு, சென்னை சென்ட்ரல்-தூத்துக்குடி, சென்னை சென்ட்ரல்-கொல்லம் உள்ளிட்ட வழித்தடங்களில் சிறப்பு ரயில்கள் இயக்கப்படவுள்ளன.
தமிழ் புத்தாண்டு மற்றும் விஷு பண்டிகையை முன்னிட்டு ஏற்படும் பயணிகள் கூட்ட நெரிசலைத் தவிர்க்க, சென்னை எழும்பூரிலிருந்து திருநெல்வேலி மற்றும் திருவனந்தபுரத்திற்குச் சிறப்பு ரயில்கள் இயக்கப்பட உள்ளதாகத் தென்னக இரயில்வே அறிவித்துள்ளது. திருநெல்வேலி – சென்னை எழும்பூர் (06070) ரயிலுக்கான முன்பதிவு இன்று (ஏப்ரல் 7) மதியம் 14.00 மணிக்குத் தொடங்கும் எனவும் மற்ற அனைத்து சிறப்பு ரயில்களுக்கான முன்பதிவு நாளை (ஏப்ரல் 8) காலை 08.00 மணிக்குத் தொடங்கும் எனவும் தெரிவிக்கப்பட்டிருக்கிறது. பண்டிகை காலங்களில் மக்கள் எளிதாகப் பயணம் செய்ய ஏதுவாக இந்தச் சிறப்பு ரயில்கள் அறிவிக்கப்பட்டுள்ளன.
Loaded: 15.24%
Remaining Time -9:32Close Player
ரயில்வே ஊழியர்கள்
முக்கிய சிறப்பு ரயில்களின் விவரம்:
திருநெல்வேலி – சென்னை எழும்பூர் அதிவிரைவு சிறப்பு ரயில் (06070/06069):
திருநெல்வேலி – எழும்பூர்: ஏப்ரல் 9-ம் தேதி (வியாழன்) இரவு 23.40 மணிக்குப் புறப்பட்டு, மறுநாள் காலை 10.45 மணிக்குச் சென்னை எழும்பூர் வந்தடையும்.
எழும்பூர் – திருநெல்வேலி: ஏப்ரல் 10-ம் தேதி (வெள்ளி) மதியம் 12.30 மணிக்குப் புறப்பட்டு, அதே நாள் இரவு 23.30 மணிக்குத் திருநெல்வேலி சென்றடையும்.
நிறுத்தங்கள்: கோவில்பட்டி, சாத்தூர், விருதுநகர், மதுரை, திண்டுக்கல், திருச்சி, விழுப்புரம், செங்கல்பட்டு மற்றும் தாம்பரம்.
சென்னை எழும்பூர் – திருவனந்தபுரம் வடக்கு எக்ஸ்பிரஸ் சிறப்பு ரயில் (06115/06116):
எழும்பூர் – திருவனந்தபுரம்: ஏப்ரல் 10-ம் தேதி (வெள்ளி) இரவு 23.55 மணிக்குப் புறப்பட்டு, மறுநாள் மாலை 18.00 மணிக்குத் திருவனந்தபுரம் வடக்கு (கொச்சுவேலி) சென்றடையும்.
திருவனந்தபுரம் – எழும்பூர்: ஏப்ரல் 15-ம் தேதி (புதன்) மதியம் 15.45 மணிக்குப் புறப்பட்டு, மறுநாள் காலை 11.45 மணிக்குச் சென்னை எழும்பூர் வந்தடையும்.
நிறுத்தங்கள்: அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர், பாலக்காடு, திருச்சூர் மற்றும் எர்ணாகுளம் டவுன்.
சென்னை சென்ரல்
இதர சிறப்பு ரயில்கள்:
சென்னை சென்ட்ரல் – தூத்துக்குடி (06151/06152): ஏப்ரல் 13-ம் தேதி இரவு 23.50 மணிக்குச் சென்னையிலிருந்து புறப்படும்.
சென்னை சென்ட்ரல் – கொல்லம் (06119/06120): ஏப்ரல் 15-ம் தேதி மதியம் 15.10 மணிக்குச் சென்னையிலிருந்து புறப்படும்.
About the Author
