சாதியுடன் அடையாள அட்டை திட்டம் | விளக்கமளிக்க திமுக கோரிக்கை!

தமிழ்நாட்டு மக்களின் மனதில் எழுந்துள்ள சந்தேகங்களுக்கு அமைச்சர் செங்கோட்டையன் தெளிவான விளக்கம் அளிக்க வேண்டும்

பள்ளி மாணவர்கள் அனைவருக்கும் சாதிச் சான்றிதழ், ஆதார் உள்ளிட்ட விவரங்கள் அடங்கிய அடையாள அட்டையை வழங்கும் திட்டம் செயல்படுத்தப்பட உள்ளதாக வருவாய்த் துறை அமைச்சர் செங்கோட்டையன் கூறினார்.

தங்கம் தென்னரசு ட்விட்டர்

கோபிச்செட்டிபாளையத்தில் செய்தியாளர்களைச் சந்தித்த அவர், மாணவர்களின் சாதிச் சான்றிதழ், முகவரி, இரத்த வகை, ஆதார் எண், தொலைபேசி எண் உள்ளிட்ட அனைத்து விவரங்கள் அந்த அட்டையில் இடம்பெறும் என்றும், முதற்கட்டமாக 10, 12ஆம் வகுப்பு மாணவர்களுக்கு அடையாள அட்டை வழங்கப்படும் என்றும் கூறினார். அரசுப் பள்ளி மாணவர்களுக்கு சாதி அடையாளத்துடன் கூடிய அடையாள அட்டை வழங்குவது குறித்து அமைச்சர் செங்கோட்டையன் பேசியிருப்பது பல்வேறு கேள்விகளை எழுப்பியுள்ளதாக திமுக முன்னாள் அமைச்சர் தங்கம் தென்னரசு தெரிவித்துள்ளார். அவர் வெளியிட்ட எக்ஸ் பதிவில், மாணவர்களிடையே சாதி அடையாளத்தை ஊக்குவிக்கும் வகையிலான இந்தக் கருத்துக் குறித்து, தமிழ்நாட்டு மக்களின் மனதில் எழுந்துள்ள சந்தேகங்களுக்கு அமைச்சர் செங்கோட்டையன் தெளிவான விளக்கம் அளிக்க வேண்டும் என்று குறிப்பிட்டுள்ளார்.